Куче повикало брза помош и го спасило газдата
16/09, 10:44
Германскиот овчар Бади го спасил животот на својот газда Џо Сталнакер – повикувајќи го бројот 911 во мигот кога видел дека на газдата му се слошило и се онесвестил.
На аудио записот на службата за итни интервенции во градот Скотсдејл, Аризона, се слуша Бади како лае.
Диспечерот врз основа на телефонскиот број ја пронашол адресата, а потоа испратил патрола, бидејќи покрај бројот на Сталнакер стоела напомена дека во куќата живее куче истренирано да повика 911 ако на сопственикот нешто му се случи.
Сталнакер го земал Бади, кој поминал обука за помош на стари и болни луѓе, кога по повредата на главата почнал да добива епилептични напади.
Полицијата соопшти дека повикот му го спасил животот на Сталнакер, бидејќи човекот би се задушил ако не дошла на време патролата.
“Тоа е неверојатно. Ниту најстарите диспечери од службата 911 не помнат нешто слично“, изјавил претставникот за печат на полицијата Марк Кларк.
