КАКО СЕ ОДГЛЕДУВА?
ШАРПЛАНИНЕЦ - НАШАТА КИНОЛОШКА ГОРДОСТ
Македонскиот бренд
кучето Шарпланинец, иако автохтона раса го нема доволно во
одгледувачниците во земјава, сметаат дел од кинолозите.
Меѓу причините се високите стандарди во
одгледувањето, пред се во однос на храната. Покрај големата љубов при
одгледувањето на Шарпланинецот треба да му се даде квалитетно јадење
кое ќе овозможи правилен развој на кучето.
Михајло Крстевски
преку три децении одгледува шарпланинци во својата одгледувачница
Шарпланинско бачило. Меѓу 25-те кучиња, ги има и ретките бели
шарпланинци. Тие се најпрепознатливите овчарски кучиња по кои оваа раса
го стекна својот углед.
Иако малку на број, шарпланинците кои се одгледуваат во Македонија
освојуваат и награди. Овој петгодишен шарпланинец со препознатлив
изглед во конкуренција на 2.000 кучиња на Саем во Нови Сад освои второ
место.
