|
|
Заштита на галеничето - добра причина за оставање на цигарите
Пушачите попрво би се откажале од пушењето поради своето галениче, отколку заради
здравјето, покажа едно американско испитување.
Научно веќе е докажана штетноста од пасивното пушење кај луѓето, а
научниците неодамна ја испитале штетноста на тутунскиот чад за животните. |
Посебно биле проучувани појавите на лимфоми кај мачките или рак на носот и
рак на белите дробови кај кучињата.
Исто така, била испитувана поврзаноста на пасивното пушење со алергичните
реакции кај кучињата, како и болестите на очите, дишните тегоби и дермитисот
кај птиците.
Научниците од институцијата Хенри Форд Хелд Систем од Детроит анкетирале
3,300 сопственици на домашни галеничиња во Мичиген.
За секој трет испитаник (вкупно 28,4 проценти) откривањето на фактот дека
тутунот е штетен за здравјето на домашното галениче е доволна причина да
прекине со пушењето, покажало истражувањето.
Поради здравјето на животното, меѓу непушачите околу 16 проценти би биле
подготвени да побараат од партнерот со кој живеат да прекине да пуши, а 24
отсто би побарале од партнерот на пуши на отворено.
Научниците заклучиле дека здравјето на животните би можел да биде
делотворен аргумент во кампањата против пушењето.
Во САД скоро две третини од домаќинствата имаат некакво домашно галениче,
но се чини дека малку пушачи се свесни дека со пушењето им штетат на своите
галеничиња.
