Шетање со куче е поздраво од потење во сала
Сопствениците на кучиња во просек вежбаат многу повеќе од луѓето кои
тренираат во сала за вежбање, утврди едно ново истражување за физичката
активност. Љубителите на кучињата во просек вежбаат два пати дневно по
24 минути, што вкупно е пет часа и 38 минути неделно. Ако по три пати
дневно го шетате вашето куче, тогаш вие вежбате дополнителни два часа и
3 минути.
Во споредба со оние кои немаат куче, неделно вежбаат само по час и 20 минути во сала за вежбање или џогираат.
Скоро половина од луѓето кои немаат куче признаваат дека не прават никакви вежби, дознава Telegraph.
Боб
Мартин, британски експерт за здравјето на домашните миленичиња
истакнува дека разликата помеѓу луѓето што шетаат куче и луѓето што
одат во сала за вежбање е дека вторите тоа го прават бидејќи мораат, за
разлика од првите кои уживаат во прошетката.
- Неколку кратки прошетки во еден ден и вие веќе потрошивте исто
калории како оние кои вежбаат во сала. Вежбањето во сала се одвива во
затворени простории со клима и вештачко светло, додека луѓето кои одат
со кучињата на прошетка имаат можност да уживаат во свежиот воздух и
животната средина, изјави Мартин.
Во студијата биле вклучени
5.000 луѓе, од кои 3.000 сопственици на кучиња. 86 отсто изјавиле дека
повеќе би сакале да шетаат со кучето во природа, отколку да вежбаат во
сала.
