Три работи се кои песовите ги сметаат за награда од страна на своите сопственици. Се работи за ситуацијата кога ќе го погледнете песот, обратете му се или пак допрете го. Овие награди би требало да се користат за исправно, а не за лошото однесување. 

Ако Вашиот пес или кутренце скока на луѓето, едноставно занемарете го тоа, вкрстете ги рацете и завртете ја главата и грбот на другата страна. Ова морате да го направите веднаш штом ќе претпоставите дека Вашиот пес ќе скокне на Вас. Еднаш кога песот веќе скокнал веќе по малку сте закасниле, па следниот пат обидете се да бидете побрз. Ако седите кога песот ќе скокне на Вас, само станете, ништо не говорејки, вкрстете ги рацете и завртете ја главата и грбот на песот.

НЕ смеете да го гледате песот, да го допирате (вклучувајки го и одгурнувањето), или немојте да му се обраќате (ниту да му кажете НЕ). Ако погледнете во песот, обратете му се, шутнете го на долу или викнете на него, неговото однесување е наградено со вниманието кое сте му го посветиле, па веројатно е дека тој ќе скока и уште повеќе. Дури и негативното внимание ( како што е кога ќе му кажете НЕ) вашиот пес може да ги свати како награда, бидејки добива внимание кое го посакува. Значи, тој ве дресира вас да го наградите со вниманието за неговото несакано однесување.

За да имате успех во спречувањето или одвикнувањето на вашиот пес да скока на луѓето, морате да бидете доследни. Тоа не е нешто што ќе се промени преку ноќ - треба време и упорност и сите кои вашиот пес ќе ги сретне мораат исто така подеднакво да постапуваат. Треба да бидете одлучни барајки од луѓето да не го милуваат вашиот пес кога скока на нив. Тоа е ваш пес и треба да го заштитите него, но исто така и луѓето кои што ги среќавате, од несаканато однесување.

Ако вашиот пес повремено добива награда од луѓе на кои скока така да го допираат, гледаат или му се обраќаат кога ќе скокне на нив, несаканото однесување ќе зајакне и ќе биде многу тешко да го одучите од таквото однесување. Тренингот мора да биде доследен, така да песот знае дека за скокањето на луѓето нема НИКОГАШ да биде награден, па таквото однесување со тек на време ќе престане.

Кога вашиот пес ќе започне да се однесува коректно и ќе престане да скока на луѓето, можете да го наградите со милување и да го пофалите. Помилувајте го полека и нежно, за да не се возбуди и повторно да започне да скока. Песовите од наглите покрети лесно се возбудуваат и се вознемируваат, па внимавајте да вашите движења бидат бавни. Пратете го говорот на телото на вашиот пес и учете од него или неа.