Секогаш постои причина поради која што песот нешто прави. Можеби сопственикот користи поинаков тон на гласот или премногу зборови кога го повикува песот назад, како на пример
: "Дојди, ајде, врати се, дојди тука, Рекс врати се!" со плескање, мавтање со рацете, викање и галама. Песот многу силно ке се збуни од сите наредби истовремено и нема всушност да разбере што тоа сопственикот од него сака.
Користете само еден збор и држете се до него, не употребувајте ниту еден друг. Започнете со учењето на својот пес од почетокот, користејки го само зборот "дојди" со ведар тон.
Инаку "дојди" е збор кој пречесто го користиме во секакви цели. Очекуваме од нашиот пес да дојде кога ќе му кажеме "дојди"... или можеби сакаме да го остави она со што се занимава, очекувајки од јадниот пес да ги свати нијансите.
На пример, некогаш кажуваме "дојди" кога сакаме песот да биде покрај нас или сакаме да го тргнеме од некое подрачје, но не сакаме да дојде директно до нас. А тогаш кога сакаме навистина да дојде директно до нас, очекуваме да тој самиот ја знае разликата.
Во почетокот нека довикувањето на одбраниот збор биде условувано со слатка награда, а со тек на времето работете се поголеми растојанија помеѓу времето кога песот сте го повикале и наградиле откако тој се одзвал и дошол на одбраниот збор. Кога ќе видите дека се одзива без грешки дома, можете да започнете да му давате награда само понекогаш откако ке се одзове.
После тоа доаѓањето можете да го вежбате од почеток во друго опкружување и така се по ред, како што сте работеле дома. Кога и тоа сте го усовршиле, можете да додадете нешто што ке му го одвлече вниманието, во почетокот ситници, а потоа се поголеми пречки.
Понекогаш песот не сака да дојде поради тоа што за доаѓањето не добива награда, туку сопственикот го врзува штом тој ке се врати и забавата е готова.
Во тој случај, покажете му на песот дека доаѓањето може да се награди. Овде би била добре дојдена некаква играчка. Сопственикот може да ја извади играчката за играње и секогаш кога песот ке му се врати ја добива играчката да си поигра со неа, а потоа повторно го пушта. Играта би требало да биде променлива, така да песот никогаш не знае дали овој пат ќе добие играчка или ке биде заврзан. Можеби би можеле да му дадете нагарада откако ќе го врзите, така да види како и врзувањето може да се награди.
