ЗАПОЗНАЈТЕ ГО БЕЈЛИ - ОБОЖУВА ДА ЈАДЕ ЧОРАПИ
Две ракавици за голф,
една ракавица без прсти, една женска чорапа, 10 машки чорапи и ракавица
за рагби за некого се сосема обично полнење на машината за алишта.
Но за златниот ретривер Бејли сето ова е само лесен ручек.
Неговите
сопственици воопшто не насетувале дека нивното 7- годишно куче е лудо
по стари парчиња облека и кога никој не го гледа ќе стопи некоја чорапа.
Лакомото куче, еден ден толку претерал со парчињата облека, што го
оптоварил дигестивниот тракт и ги исплашил сопствениците кои мислеле
дека кучето има тумор во стомакот кој му бил неверојатно тврд.
Изненадувањето
допрва следело кога хируршки од неговиот стомак биле извадени
ракавиците и чорапите - вкупно 17 парчиња, меѓу кои и парче од пешкир.
Ветеринарот кој го оперирал вели дека операцијата изгледала како магионичарски трик - вадење чорапа по чорапа.
Кучињата обично голтаат други помали играчки, но не се толку алчни по текстил.
